فيك تحب وما تسب، هكذا علّق روبير المكاري

علّق السيد روبير المكاري على اللغة الذي يتعاطى بها بعض المحازبين في معرض هجومهم الكلامي على أخصامهم، فكتب على صفحته على الفايسبوك:

#فيك_تحب_وما_تسب للحقيقة #زغرتا ما بتشبه غيرا، بشوف #زغرتا عيلة واحده بأفراحا وأحزانا، بشوف #زغرتا كبيرة كتير بإيمانا #بسيدةزغرتا ويوسف بك كرم والبطرك الدويهي، بشوف #زغرتا ضحت بشهدا من كل العائلات، بس شو بحب شوف #زغرتا ما بتشبه غيرا كمان بالانتخابات،بعيدة عن التشويه الشخصي والتحريض ،قريبة من الوعي وإحترام حرية الرأي وتعدديته .بشرفني كون ملتزم عائليا وسياسيا مع الشيخ جواد بولس ، ولكن إلتزامي ما بيمنعني إحترم إلتزام الغير.وما بعرف يا صديقي #الزغرتاوي شو بيمنعك #تحب وما “#تسب”…اللي بيفكر إنو هالاسلوب بيكبر الزعيم هو مغلط …لأنو الزعيم باقي زعيم إذا حبيتو أو سبيتو …
الانتخابات رح تجي وتروح،بس نحنا كلنا باقيين #بزغرتا…